ESB í upphafi árs

 

Nú í upphafi ársins eru 18 mánuðir liðnir síðan naumur meirihluti Alþingis samþykkti að sækja um aðild að ESB. Í ljósi mikillar umræðu undanfarið um vanda ESB, stöðu ríkisstjórnarinnar o.fl. þá er ágætt að fara aðeins yfir í hvaða stöðu ESB umsóknin er.

Óljós framtíð evrunnar!
Öllum er ljós sá mikli vandi sem steðjar að evrusvæðinu og þeim fer fjölgandi sem telja að evran muni ekki lifa af í óbreyttri mynd. Mönnum greinir á hvort mögulegt sé að bjarga henni en flestir telja einu fræðilegu lausnina að flytja aukin völd frá aðildarríkjum til Brussel. Dæmi um það væri að taka upp hærri ESB skatta sem renna bent til Brussel og úthluta fjármunum síðan með ESB fjárlögum. Samhliða verði að stíga stærri skref í átt til Sambandsríkis Evrópu heldur en gert hefur verið.

Þessar hugmyndir hafa mætt mikilli andstöðu víða í Evrópu enda er hugmyndin um sambandsríki Evrópu langt utan þess sem upphaflega var stefnt að. Í mörgum löndum hefur fólk komið saman til að mótmæla og kröfurnar eru margskonar en tengjast með einum eða öðrum hætti vanda ESB og evrunnar. Bretar hafa alfarið hafnað því að taka þátt í frekari breytingum sem fela í sér fullveldisafsal. Í Danmörku verður sú krafa háværari að fram fari þjóðaratkvæðagreiðsla um breytingar sem skerði fullveldi. Þjóðverjar og Frakkar eru ekki tilbúnir til að láta meiri fjármuni til bjargar ríkjum í vanda. Af þeim sökum er Grikkjum fyrirskipað að ráðast í stórtæka einkavæðingu á opinberum eignum, en þar má t.d. nefna hafnar- og samgöngumannvirki, orkufyrirtæki, alþjóðaflugvöllinn í Aþenu o.fl. Þetta og meira til hefur valdið aukinni pólitískri spennu og andstaða við ESB aðild og evru hefur vaxið. Margir spyrja sig eðlilega hvort ESB sé að liðast í sundur og hvort Þjóðverjar, Grikkir, Írar o.fl. þjóðir séu að undirbúa upptöku síns gamla gjaldmiðils.

Pólitísk staða og eftirgjöf Vinstri grænna
Mikill meirihluti Íslendinga gerir sér grein fyrir því að hagsmunum þjóðarinnar er best borgið utan ESB. Þeir sem hlynntir eru ESB aðild sjá einnig í vaxandi mæli skynsemi þess að hætta ESB aðildarferlinu og það birtist meðal annars í því hversu fáir eru tilbúnir til að tala fyrir ágæti ESB aðildar. Baráttumálið virðist vera það eitt að klára samninga og sjá hvað er í boði en allir þeir erlendu aðildar sem hingað koma segja að enginn geti sótt um aðild að ESB til að sjá hvað sé í boði. Ríkisstjórnin verði að tala einni röddu í málinu.

Samfylkingin einn stjórnmálaflokka berst fyrir ESB aðild og forysta flokksins er ekki tilbúin að leggja umsóknina til hliðar þrátt fyrir að skynsemin segi okkur að nú séu brýnni mál sem þarfnist úrlausnar. Vinstri grænir halda síðan lífi í umsókninni með því að fallast á allar kröfur sem samstarfsflokkurinn setur þeim. Eftirlátssemin þar á bæ er ótrúlega mikil, sérstaklega í ljósi þess að fyrir síðustu Alþingiskostningar var flokkurinn mjög eindreginn í andstöðu sinni við ESB aðild. Eftir kosningar var strax gefið eftir og ekkert athugavert þótti að leggja fram þingsályktun á Alþingi um málið enda yrðu að sjálfsögðu allir frjálsir. Sú atkvæðagreiðsla var auðvitað leikþáttur frá upphafi til enda og forysta flokksins hafði greinlega lofað því að málið næði fram að ganga. Í framhaldinu var þjóðinni sagt að engin aðlögun myndi fara fram og ESB fengi ekki að leggja fram fjármuni til aðlögunar og áróðurs en svo virðist vera sem það hafi heldur ekki verið heilagt.

Það er að koma betur í ljós að um aðlögunarferli er að ræða og breytingar á regluverki verða að fara fram á samningstímanum. Nýlegt dæmi eru tillögur Umhverfisráðherra í þá átt að alfriða 5 svartfuglategundir sem friðaðar eru í ESB. Það hefur einnig komið skýrt fram að Samfylkingin og ESB hafa viljað losna við Jón Bjarnason úr ríkisstjórn vegna þess að hann hefur staðið fast á því að ekki fari fram aðlögun og að styrkir til aðlögunar verði afþakkaðir. Með ráðherrakapli nú um áramótin hafa Vinstri grænir fallist á þessar kröfur og enn á ný gefið eftir gagnvart Samfylkingunni.

Augu manna beinast nú að formanni Vinstri grænna sem sjálfur tók við ráðherrastólnum af Jóni Bjarnasyni en hann sagði aðspurður þegar hann tók við embætti að ekkert myndi breytast varðandi ESB málið. Mun hann hafna styrkjum til aðlögunar líkt og forveri sinn? Mun hann viðurkenna varnarlínur BÍ og gera þær að samningsafstöðu Íslands? Mun hann standa á þeirri kröfu að Ísland hafi yfirráð yfir deilistofnum í sjávarútvegi? Það er margt sem bendir til þess að Vinstri grænir ætli enn á ný að gefa eftir gagnvart samstarfsflokknum. Það sem styður þá kenningu er að í aðdraganda ráðherrakapalsins þá leituðu formenn stjórnarflokkanna til Hreyfingarinnar og Guðmundar Steingrímssonar um stuðning við ESB umsóknina. Afhverju þurfti formaður Vinstri grænna að leita til þeirra ef ekkert á að breytast við brotthvarf Jóns Bjarnasonar úr ríkisstjórn?

eftir Ásmund Einar Daðason
Alþingismaður Framsóknarflokksins og formaður Heimssýnar

Grein þessi var birt í Morgunblaðinu í síðustu viku

Finnar styðji ekki ESB-sáttmálann

Athugasemdir

[Kristján B Kristinsson (IP-tala skráð) 17.1.2012 kl. 16:12]

Rosalega væri flott ef við ættu jafn skynsaman utanríkisráðherra og Finnar.

[Sandy, 17.1.2012 kl. 16:17]

Að mínu áliti hefur þessi ríkisstjórn enga heimild til að ráðstafa sjálfstæði þjóðarinnar með þessum hætti, annað mál væri ef það hefði verið farið í atkvæðagreiðslu og samþykki þjóðarinnar fengist áður. En þessi ríkisstjórn hefði ekki komist svona langt með ESB umsóknina nema einhverjir á þingi segi eitt í þessu máli en geri annað.

[Jóhanna (IP-tala skráð) 17.1.2012 kl. 16:54]

Íslenska ríkisstjórnin eru landráðafólk, og ætti að reka þau úr landi. Person non grada.

[anna (IP-tala skráð) 17.1.2012 kl. 17:05]

Þýskir hagfræðingar telja að ESB hrynji í síðasta lagi í maí... Sá þetta í viðtölum á ard.de sjónvarpsstöðinni.

[Magnús Helgi Björgvinsson, 17.1.2012 kl. 17:14]

Svona ef menn eru að hafa áhyggjur af evrunni þá væri gott að vita hvort að þeir hafi ekki áhyggjur af gjaldmiðli sem hefur rýrnað um nærri 99,9% síðan hann var tekin upp. Gjaldmiðli sem féll um 50% á nokkrum dögum 2008? Og svona í framhaldi hvort að menn séu svo einfaldir að halda að þessar hvað um 200 milljónir manna sem nota eru í hvað 14 ríkjum með lágum vöxtum og öflugum seðlabanka hafi nokkra möguleika aðra en að halda henn áfram og öflugri. Það er ekkert einfallt mál að skipta um gjaldmiðil og koma sér upp gjaldeyrisforða. Nei ég held að við getum róleg fylgs með þessu verður redda næstu misserin. Þetta er svona svipað og hafa áhyggjur af dollar vegna skulda USA.  Ásmundur vill skv. þessu hafa hér mynnt sem hægt er að fella að vild, mynnt sem kallar á háa vexti þar sem hún er aðeins gjaldgeng hér og því örmynnt. Mynnt sem verður að verðtryggja því henni fylgir verðbólga sem myndi því rýra öll lán og því myndi engin lána nema á háum vöxtum eins var hér. Og þó þurftu bankarnir alltaf að fá penginga frá ríkinu til að bæta þeim upp rýrnun lánana. Fólk fékk jafnvel ekki lán nema víxla og þeir sem muna eftir því vita að þá kannski seldu menn banka vixil upp á 100 þúsun á 75 þúsund því að bankinn tók vexti fyrirfram. En við þurftum að borga svo allt til baka af 100 þúsun kallinum. Önnur lán þorfðu bankar varla að veita.

[Guðni Karl Harðarson, 17.1.2012 kl. 17:42]

FXE (Currency shares Euro Trust)

http://stockcharts.com/h-sc/ui?s=FXE

Ef ekki kemur upp þá setjið FXE inn í Symbol vinstra megin.

[Guðni Karl Harðarson, 17.1.2012 kl. 17:54]

Glæsilegt er það ekki?

[Ólafur Björn Ólafsson, 18.1.2012 kl. 00:10]

@Magnús Helgi Björgvinsson

Heldur þú Magnús að það geti ekki komið alvörukreppa sem fellir 200.000.000 manna þjóðfélag??? Held að þú þurfir að fara yfir lærdóm þinn um söguna frá 1900 til 1940. Taka sérstaklega árin frá 1918 til 1940 til aflestrar. Það ætti að kenna þér að hrun getur orðið sama hver margir búa og verða fyrir því.

ég ætla svo ekki að gerast svo grófur að segja að þetta komi til með að gerast. En við skulum gera ráð fyrir því versta en vona það besta. Svo ættirðu að fara að tala (copy-paste) um eitthvað annað og viturlegra Maggi það vill nefnilega svo til að lýðræðishyggjan ykkar ESB sinna er akkúrat engin eins og alþjóð kanski veit.

Kaldi