Vegna þess að við erum utan ESB!

Nú liggur fyrir að Íslendingar eru að fá um 25 milljarða króna vegna makrílveiða á síðasta ári. Það munar um minna á tímum niðurskurðar og skattahækkana. Auk þess er þetta skapar um 1000 ársstörf.

Ef við værum í ESB þá væru Íslendingar ekki að skapa þessar tekjur vegna þess að við myndum ekki hafa sjálfsákvörðunarvald eða samningsyfirráð yfir þessum fiskistofnum líkt og við höfum nú.

Það kann að vera að einhverjum ESB-sinnum finnist það í góðu lagi, líkt og þeim fannst í góðu lagi að greiða hundruði milljarða í vexti vegna Icesave. Þeir sömu eru hinsvegar að segja að þeir séu tilbúnir til að láta þessa fjármuni og störf framhjá okkur fara. Hvernig ætli staðan væri í ríkisfjármálum þjóðarinnar ef þessir 25 milljarðar hefðu ekki komið inn á árinu 2011?

Það væri ekki úr vegi að fjölmiðlar spyrðu Samfylkinguna um málið.... ESB aðild væri í þessu eina afmarkaða tilfelli að kosta þjóðina 25 milljarða og 1.000 störf.

25 milljarðar vegna makríls

Athugasemdir

[Sigurður Þorsteinsson, 28.12.2011 kl. 23:51]

Afar góður punktur í umræðuna. Af einhverjum ástæðum á  ég hins vegar ekki von á því að fjölmiðlamenn á Íslandi muni spyrja Samfylkinguna eða aðra ESB sinna út í þennan þátt. Það gæti kallað á lýðræðislega umræðu.